الطريقة السليمة للحفاظ على البطارية و ما معني الشحن السريع
ايه الطريقة اللسيمة للحفاظ على البطارية و ايه الحاجات اللى ممكن تفيدك وتخليك تحافظ عليها لأطول فترة ممكنة و معلومات عن تطورات الشحن السريع
Descriptions
اللى بيمسك موبايلات
من زمان أكيد
فاكر الشاحن النوكيا التخين و بعديه شاحن نوكيا الرفيع و على جنب شاحن سونى
ايريكسن المختلف و اللى بصراحة كان موضوع غريب اختلاف أشكال الشواحن بس بعد تدخل
الاتحاد الأوروبى 2009 الموضوع ده اتغير بعد قرار تحويل منفذ الشحن لل USB
و ديه اتفاقية وافقت عليها كل الشركات المعروفة ما عدا العاق Apple اللى لسه لغاية دلوقتى شغالة بمنفذ شحن خاص بيها
البطاريات بتاعة الموبايل اتعملت علشان تبوظ و مفش بطارية هتعيش العمر كله و زمان مكانش الموضوع ده مشكلة لأن البطارية كانت بتتغير بس دلوقتى الموضوع بقى صعب لأن البطاريات بقت Built-In و النصايح اللى هنقدمهالكم النهاردة هى لتحسين عمر البطارية
بطاريات الليثيوم اللى جوه الموبايلات بتعيش بكفاءة مابين 300 - 500 دورة شحن و دورة الشحن الكاملة يعنى شحن الموبايل من صفر لحد 100% و الفترة ديه بتكون تقريبا من سنة الى سنتين استخدام فعلى و طبعا عمر البطارية بيختلف من ماركة للتانية لو الماركة محترمة خاماتها هتكون محترمة وعمرها هيكون أطول
و معروف ان أكبر عدو للبطارية هى الحرارة لأن السخونة الزياة بتأثر على عمر المكونات الداخلية و برضه البطارية لما بتوصل صفر % ده غلط عليها و بيقلل عمرها و يستحسن دايما لما الموبايل يوصل ل 30 أو 20 % تحطه على الشاحن و حاول متستناش لما البطارية تفضى خالص علشان تشحنها على عكس الكلام المنتشر من بياعين المحلات
طيب هل في ضرر على البطارية من انك تسيبها على الشاحن طول فترة النوم ؟
الحقيقة لأ مفيش أى مشكلة موبايلاتنا ذكية كفاية لأنها تفصل دايرة الشحن لما توصل 100%
نروح بقا لسرعة شحن البطارية أو خاصية الشحن السريع و اللى هيا طبعا من المميزات اللى لازم تدور عليها و انتا بتشترى أى موبايل جديد لأن معظمنا بيتعرض لموقف انه يكون مستعجل عايز ينزل و محتاج يشحن موبايله ربع أو نص ساعة بالكتير و محتاج أقصى درجة شحن ممكنة علشان يكمل اليوم
و للأسف ناس كتير مش فاهمة يعنى ايه شحن سريع و بالتالى كتير من الشركات بتستغل ده علشان تضحك عليهم
زمان كان الشحن العادى 5 فولت 1 أمبير و بعدها بقى 2 أمبير و الشركات لحد النهاردة بتسميها شحن سريع مع ان العادى دلوقتى ان الموبايل يكون 5 فولت 2 أمبير
جت بعد كده شركة Qualcomm و طورت الجيل التالت للشحن اللى بيوصل ل 9 فولت 2 أمبير يعنى 18 واط
فى الوقت اللى فيه شركة أوببو قررت انها تعمل شاحن سريع خاص بيها لموبايلاتها بس اسمه VOOC و الشاحن السرع ده أوببو قررت فيه انها تستخدم الفولت الواطى 5 فولت بس و تعلى الأمبير لحد 4 أمبير يعنى أوببو بتشحن ب 20 واط
أوببو بق انها لما بتقلل الفولت حرارة البطارية بتقل أثناء الشحن بالتالى تقدر تشحن شحن سريع لفترة طويلة من غير ما يفصل
Oppo كمان زودت الشحن السريع بتاعها ب 5 طبقات للحماية و الطبقات ديه متوزعة بين الراس و الكابل و الموبايل نفسه بمعنى أخر علشان تشحن موبايل أوببو شحن سريع لازم تكون بتشحن بالكابل الأصلى و الراس الأصلية
طيب الراس الأصلية طبيعى علشان الشاحن المرفق بيكون 20 واط
ليه بقا لازم الكابل الأصلى كمان ؟ ده لأن الكابل الأصلى بتاع ال VOOC بيكون ب 7 سنون أما الكابل ال Micro USB العادى بيكون 5 سنون فقط و رغم ان شكله USB و لكنه مختلف تماما عنه لأن أوببو مطوراه تطوير مختلف
بالاضافة لميزة مهمة فى شاحن ال VOOC وهي انك لو بتلعب أثناء الشحن نسبة الشحن بتزيد فى حين ان الشاحن العادى لو انتا بتلعب على الموبايل ممكن نسبة الشحن تقل حتى لو انتا بتشحنه أثناء اللعب لأن اللعبة بتستهلك من البطارية أكتر ما الشاحن بيوفرلها
و ديه اتفاقية وافقت عليها كل الشركات المعروفة ما عدا العاق Apple اللى لسه لغاية دلوقتى شغالة بمنفذ شحن خاص بيها
البطاريات بتاعة الموبايل اتعملت علشان تبوظ و مفش بطارية هتعيش العمر كله و زمان مكانش الموضوع ده مشكلة لأن البطارية كانت بتتغير بس دلوقتى الموضوع بقى صعب لأن البطاريات بقت Built-In و النصايح اللى هنقدمهالكم النهاردة هى لتحسين عمر البطارية
بطاريات الليثيوم اللى جوه الموبايلات بتعيش بكفاءة مابين 300 - 500 دورة شحن و دورة الشحن الكاملة يعنى شحن الموبايل من صفر لحد 100% و الفترة ديه بتكون تقريبا من سنة الى سنتين استخدام فعلى و طبعا عمر البطارية بيختلف من ماركة للتانية لو الماركة محترمة خاماتها هتكون محترمة وعمرها هيكون أطول
و معروف ان أكبر عدو للبطارية هى الحرارة لأن السخونة الزياة بتأثر على عمر المكونات الداخلية و برضه البطارية لما بتوصل صفر % ده غلط عليها و بيقلل عمرها و يستحسن دايما لما الموبايل يوصل ل 30 أو 20 % تحطه على الشاحن و حاول متستناش لما البطارية تفضى خالص علشان تشحنها على عكس الكلام المنتشر من بياعين المحلات
طيب هل في ضرر على البطارية من انك تسيبها على الشاحن طول فترة النوم ؟
الحقيقة لأ مفيش أى مشكلة موبايلاتنا ذكية كفاية لأنها تفصل دايرة الشحن لما توصل 100%
نروح بقا لسرعة شحن البطارية أو خاصية الشحن السريع و اللى هيا طبعا من المميزات اللى لازم تدور عليها و انتا بتشترى أى موبايل جديد لأن معظمنا بيتعرض لموقف انه يكون مستعجل عايز ينزل و محتاج يشحن موبايله ربع أو نص ساعة بالكتير و محتاج أقصى درجة شحن ممكنة علشان يكمل اليوم
و للأسف ناس كتير مش فاهمة يعنى ايه شحن سريع و بالتالى كتير من الشركات بتستغل ده علشان تضحك عليهم
زمان كان الشحن العادى 5 فولت 1 أمبير و بعدها بقى 2 أمبير و الشركات لحد النهاردة بتسميها شحن سريع مع ان العادى دلوقتى ان الموبايل يكون 5 فولت 2 أمبير
جت بعد كده شركة Qualcomm و طورت الجيل التالت للشحن اللى بيوصل ل 9 فولت 2 أمبير يعنى 18 واط
فى الوقت اللى فيه شركة أوببو قررت انها تعمل شاحن سريع خاص بيها لموبايلاتها بس اسمه VOOC و الشاحن السرع ده أوببو قررت فيه انها تستخدم الفولت الواطى 5 فولت بس و تعلى الأمبير لحد 4 أمبير يعنى أوببو بتشحن ب 20 واط
أوببو بق انها لما بتقلل الفولت حرارة البطارية بتقل أثناء الشحن بالتالى تقدر تشحن شحن سريع لفترة طويلة من غير ما يفصل
Oppo كمان زودت الشحن السريع بتاعها ب 5 طبقات للحماية و الطبقات ديه متوزعة بين الراس و الكابل و الموبايل نفسه بمعنى أخر علشان تشحن موبايل أوببو شحن سريع لازم تكون بتشحن بالكابل الأصلى و الراس الأصلية
طيب الراس الأصلية طبيعى علشان الشاحن المرفق بيكون 20 واط
ليه بقا لازم الكابل الأصلى كمان ؟ ده لأن الكابل الأصلى بتاع ال VOOC بيكون ب 7 سنون أما الكابل ال Micro USB العادى بيكون 5 سنون فقط و رغم ان شكله USB و لكنه مختلف تماما عنه لأن أوببو مطوراه تطوير مختلف
بالاضافة لميزة مهمة فى شاحن ال VOOC وهي انك لو بتلعب أثناء الشحن نسبة الشحن بتزيد فى حين ان الشاحن العادى لو انتا بتلعب على الموبايل ممكن نسبة الشحن تقل حتى لو انتا بتشحنه أثناء اللعب لأن اللعبة بتستهلك من البطارية أكتر ما الشاحن بيوفرلها
Add a review